ليش بس هيك
بقلم شاكر محمد المدهون
ليش بس هيك
فاشل يرسم لتايه حلمه
جوة الصورة
يضيع الرسم
وتبقى الحيرة
ونقول ونحكي عن مصايبنا
مليون مشرد
وعشرين ياكلو كل أحلامنا
واحد فاضي بيحكم فينا
ويحكي لينا قصص وحكايات
عن ثورة ماتت
وفقر بيجري
وعيلة كبيرة من غير سيد
سيد مات
ليش بنعطي كل حقوقنا
واللي ماشي حسب أوهامه
يمكن صرنا غابة كبيرة
أو صارت الأرض عزبة صغيرة
للي معشش في دماغه إنه
أفضل قائد
وأكبر رائد
في قافلة ساكتة
رايحة المسلخ
من غير حتى كلمة صغيرة
قبل الذبح والهروات
—————
شاكر محمد المدهون
