لناس كلام
بقلمي محمد عنانى
لناس كلام زى حدف الطوب
يا إما هَلس يا إما فيه ملعوب
ولا كلام مؤذي وفيه مكروب
مرار آلامه ممنهاش مهروب
يسيب جراحه جوه جوه قلوب
دا العقل غايب ولا دا مقلوب
إوزن لقولك لو يكن له وجوب
وإعقل كلامك إختار الأسلوب
إفهم لمعناه وإيه يكون مطلوب
عشان أكيد كله عليك محسوب
وكلمه واحده تقيد لنار وحروب
ولا بكلمه تكون عزيز محبوب
اختار لنفسك انت مش مغصوب
والعقل زينه هوه دا المرغوب
