كل عام أنتم بخير

كل عام أنتم بخير

بقلمى محمد عنانى

كل عام أنتم بخير    

كلمه بنقولها كتير    

بس دلوقتى أوانها    

لم جِه رمضان بخير    

فرحانين لما نقولها    

شهر بالنفحات وفير    

وإتعمل حاجات عشانها   

وإتعَدل لينا المَسِير    

البيوت اتزينت

والمساجد نورت

والقلوب من بعد شوقه هللت

كل عام وانتم بخير

لاجل ما يصحَا الضمير

للصغير أو كبير

لاجل فيه نِلقَا الموده

والتراحم والمحبه

كلنا أهل وأحبه

الأدان بقا لينا جامع

وإِتملِت بينا الجوامع

اللى راكع واللى ساجد

واللي مُعتَكِف وقاعد

واللي رغم الشده حامد

كلنا بقينا واحد

للإله جميعنا عابد

كل عام أنتم بخير

كلمه حَنقولها كتير

لاجل رمضان الأمير