بقلم / شيرين راشد
معاك تحلو الحياة من أول عمري لمنتهاه
رجولتك وأنوثتي إحساس نابع من الوجدان..
لحد يقدر يوصف لك إزاي تكون رجل ولا أكون أنا أنثي إزاي نوعك جنسك دي صفاتك محفورة في الدم خلقها فينا الرحمن ..
وبتظهر علي شكل سلوك وطبع وتصرفات إنسان ..
يعني الرجوله موقف ومنهج وكيان لا هي شكل ولا برستيج وكلام .
والأنوثة جمال حقيقي يظهر في الطبع والروح وخفة الدم كمان..
أولها أنك تتعرفي علي نفسك تحسيها وتحبيها وهو دا الكمال ويكون عندك ثقافه ووعي وتقدري وتفهمي تتعاملي ما شريك حياتك في إزاي ..
تكوني أخت وصديقه وحبيبة قبل زوجه وتعرفي تحتويه بحنان…
وتفتكري كلام الرسول وتنفذيه تمام لما ينظر إليك تسريه يعني بالشياكه والأناقه وبعطرك الحلو تجذبيه وبمعسول الكلام ..
ولما يرجع بيته تقابليه بأبتسامه جميلة وكأنه ملك ورجع لقصره بعد طول غياب وبشوقك وحنانك يفرح ويشعر بالأمان..
إياك تعملي العكس و تهملي في نفسك وبعباية المطبخ تطلعي تقابليه وبشعرك المنكوش وبريحة البصل تقرفيه وبمشاكلك وطلباتك تصدعيه ولما يشوفك يحس إنه كان في فسحة ورجع لسجن كان عايش فيه ويندم ويدعي علي الجواز وأيامه ولياليه
وأنت ياسيد الكل وتاج راس المدام مطلوب منك تفتكرها بكلمه حلوه وهديه بسيطه لو ورده تعبر عن حبك لها صدقني هاتفرح قوي والجوي يصبح عال ..
وإفتكر أنها مرايتك هتضحك لها تسعدك تكشرلها تتعبك وتغمق الألوان ..
ممنوع تتعصب عليها علي الفاضي والمليان …… الزواج تفاهم وود وحنان وقلب كبير يجمعكم وتعيشوا في هدوء وسلام كرمتك من كرامتها
فأبدأ بالإهتمام ..??