إبراهيم منصور بدر.
……………………….
{1}
بعد الكلام..
مطر السكوت..
بيغلّف الاشواق تنام..
إنتى فين؟..
قلبك منين بابه ..
قلبى البعيد..
قرب لصدرى ..
من نظره واحده!.
…………………………
{2}
فاكر ..
ساعات ف العمر..
شايلة..
وشوش كتير..
طول ..
ما انت بتغمّض تطاردك،،
وتوشوش الظن بشكوك..
تلهب ليالى الوحده
تتحدى..
بحروف الجرح..
حلمك بالحياه!.
…………………………
{3}
لاضم ..
حروف الخوف ..
ف ديل الأمنيات..
معنى السكوت أكبر ..
من أى معنى للكلام..
أنا بعشقك بالروح ،،
و الروح..
مبتشوفش الجسد
بتشوف اثير الأنفعال!.
………………………
{4}
واصمانى ديماً..
بالفراق!..
مهما علّيت..
موج امالى عالوجع ..
بيبان ف ليل الانتظار..
اوراق شجر فصل الخريف..
كاسيه الحيطان!.
………………………………
سامع..
صدى همس المحن..
حاسس..
يامسجون الألم..
بالإختلاف؟.
صور الحياة..
بين البشر ..
مبقتش صادقه!..
ملهاش تمن..
علشان تخليك مستجير..
لِم القصاقيص القديمه،،
وارميها ف كانون الزمن!.