“قالي ..ايه”
للدكتورة / لبنى يونس******
قالي انتي أغلي الناس
قالي انتي كل الحب والإحساس
ولو حواليا كل البشر و كمان اعز الناس
قالي ..ايه
قالي انتي الأغلي والاجمل
و معاكي الروح في السما تسبح
ماهو انتي القمر والنجوم حواليكي
تحمي وتدعي من كل عين تلمح
قالي ..ايه
قالي ياضي العين كنتي فين من سنين
من غير ما اشوفك كنتي وحشاني
وواخدني الشوق والحنين
قالي ..ايه
قالي ربنا اهداكي ليا بعد صبر وعذاب سنين
كنت فيها من المحرومين
قالي … ايه
قالي انتي هدية من رب العالمين
