لقاء آخر مع الشاعرة
بسمة جمال حسانى
فى ناس
فى ناس عايشه مابينا لكنها ميته
وناس ماتت ومشيت بقيا ومعلمة
فى ناس فى الدنيا صورة
وجودها مش ضرورة
وناس ماتت ولسه
اعمالها ليها ذكرى
فى ناس تشوفها تزعل
تتمني متشوفهاش
وناس تتمني تشوفها
لحظات ولو أحلام
فى ناس منك قريبه
لكن مش حاسه بيك
وناس عنك بعيده
مبتفكرش الا فيك
فى ناس تحرق فى دمك
وناس تشيل عنك
فى ناس بتتمنالك
وناس تتمنى منك
فى ناس وناس وناس
والفكرة فى الاحساس
راحوا أصحاب الاحساس
ومش باقى إلا الناس