” فانيه ومنتهيه “
بقلم/ محمد عنانى….
دنيا فانيه ومنتهيه
لا دايمه ليك ولا دايمه لِيَهَ
يِبقَى ليه بس الأسيه
ليه كمان كُتر العِنَاد
وليه ياناس الكُره زاد
الكل إيده على الزِناد
قاعد ومستنى المعاد
يمكن فى يوم يقتل أخوه
أو حتى يتمناه يتوه
أو ع الأقل يروح يضِل
يبعد بعيد عن الطريق
حتى لو حيموت غريق
طب ليه كدا
تِبقى النفوس بالشكل دا
أنا بس عاوز أفكرك
مش قصدى إنى أحيرك
إصحاَ صَحِيِ كمان ضميرك
وخلى همك خِير لغِيرك
وافتكر يوم الحساب
يوم ذهاب وبدون إياب
أكيد حيجى وليك كتاب
فيه ثواب أو فيه عِقِاب
جنه دايمه أو العذاب
