غابة من البشر
بقلم إيمان عبد الستار
دنيا كلها مصالح
واللي جاي زى اللي رايح
فيها المجروح وفيها الجارح
ماهي سيما يادنيا المسارح
فيها اللي يزعل واللي بيصالح
دنيا كلها اوجاع
وقلوب ماليها الخداع
فيها اللي شبع وفيها اللى جاع
أرانب خايفه وسط الضباع
فيها اللقى وفيها الوداع
دنيا كلها غابة
على ناس شاقيانه وغلابة
أفاعي تلاقي وديابه
ووشوش تمللي قلابة
تضحكلك وبرضه كدابة
دنيا حلال وحرام
مهما تعيشها محتاج لعلام
تعاندها وتعافر تتغرب وتسافر
فكرك هتضحكلك ياخي عالاحلام
الدنيا دى عقاب لو تفهم الكلام
دنيا تشقيك صعب تشفيك
تدوس عليك اكتر ماتراضيك
ماهى دنيا الأوهام
اغلبها بقي بالاحلام
