قصيدة بمناسبة
عيد تحرير سيناء
كلمات الشاعر رزق جادو
مصر… دمياط
طول عمرنا وطن الشجعان
إهتف سمع كل جبان
قالوا زمان
عن سينا يهودية
فكروا إن الشعب المصري
خلاص هيسلم للطغيان
هب الجيش المصري الباسل
هب وقام كأنه طوفان
في عز الظهر في ستة أكتوبر
يوم العاشر من رمضان
ووراه كل الشعب العربي
هز العالم كالبركان
حرر سينا ورجعت لينا
ورجعت لينا طابا كمان
طول عمر الأرض العربية
أبية عصية
مهما يطول زمن العدوان
بكرة أكيد القدس هترجع
زي مارجعت لينا زمان
إنتوا نسيتوا صلاح الدين
ومعاه جيشه من الفرسان
هزموا ريتشار هو وجيوشه
وعاد القدس للأديان
مش هنفرط في الأوطان
مهما يطول زمن العدوان
بكرة هترجع لينا جولان
وهنفك قيود القدس كمان
ونخلي الفجر بنوره يبان
وتعيش ياوطنا بخير وأمان
وتعيشى يامصر بخير وأمان
كلمات الشاعر رزق جادو
مصر… دمياط