مشاهدات: 15
طعيمه ينصح متابعيه بعدم التعصب للكرة
كتبت : نجلاء الليثى
نشر المؤلف والشاعر الغنائى أمير طعيمه، عبر حسابه على فيس بوك نصيحة لمتابعيه بتشجيع مباريات كرة القدم ومتابعتها وعدم التعصب لها، حيث كتب:
” بما أن عندي شباب صغير كتير في الصفحة فعايز اقولكم نصيحة لوجه الله .. الكرة دي لعبة للتسلية فقط”.
![طعيمه](https://hekayetwatan.com/wp-content/uploads/2021/02/34766-أمير-طعيمة.png)
وتابع طعيمة:
في الدنيا أنت كمشجع ملهاش أي تأثير علي مستقبلك و لا قيمتك بين الناس و كمان ما بتاخدش منها فلوس و لا حتى تقدر تخش النادي اللي أنت بتشجعه .. و في الأخرة الملكين يسألوك من ربك و ما دينك و من نبيك و مش يسألوك عن ناديك ده خالص”.
وأوضح ان حديثة لا يعنى عدم تشجيع كرة القدم ولا على سبيل المتعة، ولكن ضرورى أخذ الحذر وعدم تسببها في قطيعة بين الأصدقاء، حيث كتب:
” ما بقولش ما تشجعش و ما تتبسطش، بس ما تخسرش صحابك و لا تقل أدبك علي حد و لا تخلي محور حياتك حاجة المفروض انك تتسلى بيها في وقت فراغك .. الكورة و الأفلام و الأغاني و غيرهم دي حاجة بنتسلي بيها عشان تبسطنا مش عشان تحرق دمنا و توقعنا في الغلط، و اللي انت بتشمته ده هيبقي خصيمك يوم القيامة ادام ربنا، ما تخليش لعبة تخسرك في الدنيا و لا في الاخرة”.
جدير بالذكر ان طعيمه تعرض مؤخرا لانتقاد وردود فعل عنيفة من متابعيه بعد نشر بوست سابق يحتوى على صورتين من الكوميكس التى انتشرت من جماهير النادى الاهلى وجماهير النادى الزمالك بعد مبارة النادى الاهلى مع البايرن أول أمس وعلق قائلا “ألذ كوميكس نزلوا من الاهلاوية والزملكاوية”