صباح _ مصري …..
افرض مثلا … مثلا ،،،،،
بقلم د. سمير المصري
افرض أنك وجدت واحد شغال و عمال يتصبب عرق وهو بيعمل محاولة علشان يقطع شجرة وكان بيستخدم في القطع منشار مصدئ
ولما سالته ايه اللي انت بتعمله ده ؟ قام رد عليك بعنف وبحدة و تحس ان صبره خلاص نفذ …
ويقولك هو انت مش شايف انا بعمل ايه ؟
إنا بعمل محاولة علشان اقطع الشجرة اللي قدامك ..
طبعا حضرتك تقول له فيما يبدو عليك انك مرهق جدا وتعبان والإرهاق التام ظاهر عليك
مش ده وقت كتير مضى عليك وأنت بتحاول قطع هذه الشجرة ؟
يقولك حوالي سبع ساعات وأنا شغال في هذه المحاولة
بقالي كتير في المحاولة دي وده سبب الإرهاق التام وتصبب العرق بالطريقة دي فعلا هذه المهمة كانت شاقة جدا في منتهي التعب والارهاق بطريقة غير طبيعية .
لكن انا كان لي راي تاني خالص ومختلف طيب ليه مش بتأخذ استراحة قصيرة تسن فيها المنشار المصدئ اللي انت بتستعمله؟
ومن دون اي شك أن ده سيجعلك تنتهي من هذا المهمة بسرعة أكبر ، في أقل وقت ممكن لإنجاز هذه المهمة …
يعني بسرعة ومن غير تعب …
اي إرهاق كما هو واضح تماما عليك ..؟
وكان الرد في منتهي الغرابة هو انا عندي وقت علشان اضيعه في عملية السن ؟
انا اصلا ماعنديش اي وقت ممكن اضيعه في سن المنشار انا مشغول جدا …
{ ليس عندي أي وقت أضيعه في سن هذا المنشار فأنا مشغول }
ايه رايك انت في كلام هذا الرجل الساذج فهو يرفض أن يوفر قليلا من الوقت يسن فيه منشاره المصدئ
لكي يستطيع إنجاز علمه بمجهود أقل وفي وقت أقصر ؟
طبعا وبلا شك أنك تتهمه بالسذاجة وربما الغباء ولكن اسمح لي اقولك وأن أخبرك أن كثيرا من الناس مثل هذا الرحل وعفوا من الممكن ان حضرتك تكون منهم نعم دون استغراب قد تكون منهم ؛
نحن في الغالب نبخل بجزء بسيط جدا وقليل من الوقت على أنفسنا يمكننا ان نشحذ فيه قدراتنا
ونطور فيه من مهاراتنا وامكانيتنا لنكون أكثر قدرة على تحقيق أهدافنا ، مع العلم أنه لا يوجد عصر من العصور الماضية قد توفرت في سبل اكتساب المهارات مثل هذا العصر …
كعصرنا هذا إلا أننا نحن كشعوب ما زلنا في واد والعالم كله في واد آخر!!
الخلاصة
لازم تعرف أن الوقت الذي تستثمره في العناية بشحذ قدراتك هو أهم استثمار تقوم به في حياتك
علشان ده عبارة عن استثمار فيك أنت ، في حضرتك وفي قدراتك على التعامل مع مشاكل الحياة المعقدة و المتشابكة .
والمهارات التي يمكن أن تكتسبها دي ممكن انها تجعلك أكثر قدرة على تحقيق مجموعة أهدافك الكثيرة اللي انت عاوز تحققها ، وهناك أمثلة كثيرة من هذه المهارات ….
غدا نتحدث عنها في صباح مصري جديد …..
د سمير المصري
