.
بقلم : دكتور منير الجنزورى
خبير اقتصادي ومصرفي
كل شهر هيوصل ميناء إسكندرية 34 عربة سكة حديد
جديدة، بالإضافة لجرارات جينرال إلكتريك الأمريكية.
وده هيخلى هيئة السكة الحديد تجمع 4 قطارات جديدة كل شهر وتنزل تشتغل على الخطوط.
كمان مصنع سيماف وورش كوم أبو راضى شغالين على تطوير ورفع كفاءة عدد من العربات والجرارات واللى هيبقى جودتها زى الجديدة تماما، وتصنيع عربات لنقل البضائع ورفع كفاءة عدد ضخم من العربات، عشان نقلل من عدد العربات ذات الحمولات الثقيلة على الطرق واللى بتأثر بشكل كبير على جودة الطرق، وكمان بتكون سبب فى حوادث، بالإضافة إن النقل عبر القطارات أرخص وده هيحقق دخل لهيئة السكة الحديد، يخليها تسدد ديونها، وتصرف على مشاريعها المستقبلية.
على مدار السنة إن شاء الله وبحلول 30 يونيو 2021 هنلاقى إن كل العربات والجرارات اللى شغالة على خطوط السكة الحديد جديدة بالكامل.
العربات كلها فيها كاميرات مراقبة، وفى شركة أمن ونظافة بتابعها، العربات كلها هتبقى مكيفة أو ذات تهوية ديناميكية “مراوح”.
كمان هيكون معظم المزلقانات هتكون بقت ألكترونية علشان تمنع الحوادث، ومشاريع كهربة الإشارات هتكون بتخلص تباعا.
الخطوط ذات نفسها بيتم تجديدها وتطويرها حاليا.
كمان هيئة السكة الحديد شغالة على أزدواج بعض الخطوط اللى عليها كثافة تشغيلية.
بالإضافة لبداية توريد القطارات السريعة من شركة تالجو الإسبانية مارس 2021.
بالصبر والعمل تبنى الأوطان.. تحيا مصر بينا كلنا.