” ساعة الاصطباحة “
بقلم د/ شادى غالى
ساعه الإصطباحه سحبت كرسي بعيد عن ضوضاء القهوة وصوت طرقعة الدومنه وقواشيط الطاولة بشرب قهوتي وبتأمل فأعماقي من جوه لقيت جوز أشباح على الترابيزه اللي جنبي بيتكلموا فموضوع حيوي وهو
الوقت_المناسب_للتمرين
ولأن الفتي كان واخد حقه بزياده حبتين فسحبت الكرسي ودخلت عليهم …
صباح الفل يا رجاله عارفين أن الرياضة مالهاش وقت معين !!!
قالولي إزاي وإختلفوا اللي قال الصبح واللي قال الليل قلتلهم طب بصو متزعلوش انا هقولكوا
–أولا:
ممارسة الرياضة في الصباح الباكر ده حوار جامد لأنَّ الصباح الباكر هو أفضل وقتٍ لممارسة الرياضة ليه ؟؟؟
١- عشان بتزيد من النشاط البدنيّ طوال اليوم
٢- وكمان بتزيد معدّل الأيض،
يعني الشخص هيستمر في حرق السعرات الحرارية على مدار اليوم مقارنةً مع ممارسة التمارين في المساء.
٣- تساعد ممارسة التمارين في الصباح على تحسين القدرة على النوم مقارنةً مع التمارين بعد الظهر أو في المساء:
والتي قد تؤثر بشكلٍ سلبيٍّ في النوم
٤- مش بس كده دي بتزيد معدّل ضربات القلب، ودرجة حرارة الجسم، كما يمكن أن يُعيق التعرّقُ في وقتٍ متأخر من الليل القدرةَ على النوم.
٥- تساعد ممارسة التمارين على معدةٍ فاضية على حرق المزيد من الدهون بمعدل يزيد عن 20% لما بتقوم بالتمارين على معدةٍ فاضية قبل الإفطار.
-ثانيا:
ممارسة الرياضة بعد الظهر وفي المساء.
بيقولك بقي يا شبح العالم أن في دراسات بتقول أنّ قدرة الجسم على ممارسة الرياضة تكون أعلى في فترة ما بعد الظهر وفي المساء،
ليه؟؟ انا هقول ليه…
١- بتكون درجة حرارة الجسم بين الساعة ٢م إلى ٦ م في أعلى مستوياتها.
٢- وهي الفترة التي يكون فيها الجسم مستعد جدا للرياضة، وده بيعزز من قوة العضلات، ونشاط الإنزيمات، والقدرة على التحمل.
٣- كمان بتزيد سرعة ردّ فعل الجسم بعد الظهر وبالليل
وده حلو فالتمارين الشديدة عالية الكثافة.
٤- كمان الجري على جهاز “التريدميل” أنَّ معدل ضربات القلب وضغط الدم يكون أقلّ في الوقت المتأخر من الظهر ودة بيقلل من خطر الإصابات، ويحسن الأداء.
٥- تزيد قدرةُ الجسم على إمتصاص الأكسجين في المساء وده لإنّ الجسم بيحتاج لوقتٍ أقلّ للإحماء، مما يزيد من فعالية التمارين وقدرة الشخص على التركيز عليها.
٦- تساعد على النوم العميق وده بسبب أنَّ الأشخاص اللي بيتمرنوا بالليل بيناموا بشكل أفضل وأطول أكتر من اللي بيلعبوا نفس التمرينة في الصبح
فالأخر كله معاك وحسب ظروفك تتمرن صبح تتمرن ضهر عصر بالليل براحتك المهم تتحرك وتلعب ومتكسلش بحجه الشغل ومش فاضى 
