سمر_إسماعيل
( حكايات سمر )
عارفين يا ولاد
من يوم م فتحت عنيا
وأنا شيفاه قدامى
فارس أحلامى
الطعم الحلو ف كلامى
الوقت اللى بعيشه ف ايامى
كان حرب الأفكار الباردة
وبرضو كان هو سلامى
وأنا كنت بشوف العيد بوجوده
أنا كنت بزرع أرضى أنا بالشوك
لجل متهنى معاه بوروده
أنا كنت ف أرضه زرعه
لبلاب طلعت
كبرت ع عوده
أنا كنت نيله وسدوده
أنا كنت جيشه وحدوده
ف يوم أمر النصيب
قلت أنا حاضر
أدى سوط الفراق
وأدى الجسد حاضر
بس أسلموه وسيبوا
قلبه البريئ
يقوى و يتخاضر
فداه بؤسى وأحزانى
فداه دموعى أيام وليالى
أكيد لو ف نصيب
هبقاله … ويبقالى …
من يومها وروحى
بتدبل حبه حبه
أنا والعجز والقهر
بقينا خلاص صحبه
للحب اللى مُصر أنى أقرب
أحسنلك وأسلملك أهرب
مش هقدر تانى أجرب
ف طرق مسدودة بتغرب
هتدوق الشوق ومش هرويك
هتحس بغربة بعيد عنى
والناس كلها حوليك
هتشوف الموت بعنيك
دنا بمشاعرى وبعواطفى بنتميله
أنا بدايته وأنا نهاية وخط سيره
يمكن بيروح ، بيغيب
بحتاجله ومش بلقيه
يمكن بشوف الموت بعنيه
بس بقلبى وبروحى باقية عليه
أكيد ف يوم ربنا ليه هيهديه
مسير روحه ترد فيا الروح
مسير لقائنا يفتح وردى وياسمينه
عمر الزمان ولا المكان ولا قلوب
عشاق شريانى وشرياه
م هتقدر تقف بينى وبينه
أنا ليالى كتير هو وبس مجنونها
عمرى م حسيت بالآمان غير فيه
عمرى م كنت ولا هكون غير ليه
سمر أولها سم بيسرى ف عروقنا
وآخرها مُر شايله ف نن عينه
ودواه منه تحت أمره وملك إيديه
#سمر_إسماعيل
#عشق_لا_ينتهى