فاطمه خاطر
جوايا متعبي بوجع
حيره والم وعذاب انين
جوايا براكين م الغضب
سهر ارق وتقول لمين
جوايا تسونامي جنون
ومجبره اني افضل رزين
جوايا شئ برايا شئ
الشئ وضده اتوحدوا
لكل راحه يبددوا
طب ساعدوا ياللا نددوا
باللي قسمني لحتتين
جوايا مش فاضي انا
جوايا معناة العنا
اوصف شهور والا سنه
محتاجه بعديهم سنين
لا اللي فجوفى بينطفى
ولا اللي ضر بيختفى
ده ف كل ثانيه بيحتفى
وفيه دمعتين
على خدودي بينزلوا
بيحرقوني يزلزلوا
جنبات لجوفى ويعملوا
ضغط عالي صداع لعين
جوايا مردوم ذكريات
ردش وحجاره وصبارات
قمر وسهره واغنيات
ووصل دايما بعده بين
جوايا متعبي بصخب
وصمتي منه تترعب
فيه كارثه شئ ليه العجب
وسؤال وحيد
فين كنتوا فين
