بقلم / شيرين أحمد
تيجي نبعد من سُكات
أصل الماضي زمنه فات
جرح وآلم وكمان خداع
لا وبتوهم ان انت اللي إتباع
استحملت منك شر
عمري ما رسيت معاك علي بر
كنت أناني وكنت خاين
وازاي ماكنش كل دا باين
كنت بتجرح فيه
وتقول حقك عليا
وأنا كنت بسمح
وقلبك كان الجارح
ولما بقولك نبعد
بتقول أنا المتباع
ولما يفيض بيك
تقول نرجع سماح
طيب ليه
وعشان مين
عشان العشره اللي بنا
وخاطر القلب اللي حبك
وكان أصلا من الأول فين
شوفت معاك اليوم بسنين
الأيام من بعدك صعبة
بس في قربك كانت مُرهّ
وادي قراري
وبقولها بقوة
مش ممكن نرجع
ولا احن في يوم
