بنت التلاتين

وكلامها بيتقال م العقل
وكأنه موزون بميزان
واللي يقول إنها كبرت
مجنون وكمان خرفان

عانس كلمه يقولها مريض
وله مريضه في سن عيال
دا اللي يشوف المانجه خيار
يبقي ما شافشي من الغربال

أعمي وأعمي القلب كمان
اللي يقول علي بنت دي عانس
كل الفكره معدش رجال
ف راحت هي قايله بناقص

دا النكد الأكبر في حياتنا
موجود في جيل الأيفون
تتقابل ساعتين وياها
بتعيشهم زي المسجون

ولو مره مقولتش وحشاني
تلقيها تزعل شهرين
وتصالح وبتزعل تاني
وعلي الحال دا تفضل سنتين

وبتكدب ع الفيس وتنافق
وتقول خدت العاقله بنت الزين
وحياتك يا حرام كا العتمه
وواقفه مكانها لسنين

وتشاورو وتقولو دي عانس
وأكيد تعبانه وحزينه ؟
دي ملكه يا ياوشوش كدابه
و رفضت تبقي مسكينه

في عقول مختلفه وسطيكوا
رفضت تتساق في طاحونه
ملقتش اللي يكون سعدتها
فرفضت تتشاف مسجونه