بقلم/محمد بركات
لامونى العزال فى حبك
وقالولى كلام عنك
قالوا ياحبيبى انك
نساى والغدر من طبعك
تبيع فى ثوانى اللى حبك
وتغضب لو حد ف يوم عاتبك
قسو قلبى كتير عليك
بحاجات ياما قالوها فيك
ولما لقيتهم بيشغلونى
وتطول نظراتهم لعيونى
ولو غبت عنهم يلمونى
حسيت بكدبهم
وعرفت انهم
قاصدين يبعدونى
بعيد عنك
عاوزين ياخدونى
ياحبيبى منك
واله دا بعدهم
حسيت انى ظلمتك
لما صدقت كلامهم وهجرتك
وندمت على شكى فيك
وقسوة غدرى بيك
قولى ازاى بس ارضيك
وامسحلك دمع عنيك
هو الندم مش كفايه
والا السماح مش طبع فيك
بعد الندم ايه
غير انك تسامح
وتنسى جرحك
تسيبنى للندم ليه
ماطول عمرى بصالح
خصامك واسامحك
والحب ياما فيه
ناس تتخاصم وتسامح
وحكايات زى حكايتك
ولوعاتبتنى عليه
وقسيت بكلام جارح
انا ياحبيبى مسامحك
أعجبني
تعليق