احساس /عبير هلال محمد
الدنيا بحر ملوش اخر
والكل في عومها بيتفاخر
ناس بتغرق كدا علي الشط
وغيرها مكمل للآخر
تهنا فيها نركب ايه ؟
واي شط نرسي عليه
وحوش كثير كدا جواها
وموجها قاسي قوي كدا ليه ؟
يادنيا اهدي كدا علينا
زي مانحبك حبينا
راضين بنصيبنا فيكي
مهما من غدرك تسقينا
علي الجمر ياما فيكي مشينا
وشربنا من مرك وقاسينا
لا قدرنا نعرف له ترياق
ولا طبيب قدر يدوينا
لسفينة الصبر ركبنا
ولا موجك قدر يغلبنا
بإيمانا ورضا بارينا
عدينا بحورك وقاومنا
ياموج الدنيا يامعادينا
أهدي وغدر ناسك علينا
مهما تحاول تغرقنا
رب الكون حامينا
