“بحبك يامصر”
بقلم: أيمن عصام الديب
بنقش حروف اسمك
حتى القلم رَسَمِك
صورة ومنصورة
بس شهادتي مكسورة
وابني ليكي يامصر بيدّي
جوة ارضك صرح عالي
يبقى ابنك فيها غالي
يامصر نفسي تسمعيني
ليه ف ارضك تقتليني
وهبت نفسي يابلدي ليكي
كفاية ظلم ابوس ايديكي
يا قواعد للتاريخ
نفسي تبقيلي الدوا
وقت جرحي م الهوا
انتي حبك ف السما
ليه نخرب ليه ندمر
تيجي نوفي الدين نعمر
ليه تكوني انتي الضحية
عايزك دايما الأبيّة
نفسي شكلك يبقى شكلي
ابقى شمسك وانتي ضلّي
وتكتبيني ف النهاية
بكرة يبقى اجمَل بداية
تيجي نزود ف المباني
وابقى جارك وانتي جاري
وقتها نمحي الصحاري
يلا نبقى بهمة واحدة
يلا شدو ف العزايم
خلوا بكرة لينا دايم
خلوا خيرها يعُمّنا
دي مَصر الغالية أُمِنا.
