متابعة/ ندي وائل
الهرم بيمثل التل الأزلي اللي نشا منه الكون بعد بروزه من المياة الأزلية .. ودا السبب في إختيار الشكل المثلث، طبعآ الموضوع مبداش بين يوم وليلة ولكنه كان تطور في تخطيط وشكل المقابر بداية من الحفر اللي في الارض ثم المصاطب والأهرامات المدرجة إنتهاءآ بالهرم الكامل .
الهرم هو قمة “البن بن” اللي روح الملك في كل يوم بتتحول لطائر “البنو” وبتصعد عليه علشان تتحد بالشمس، وترجع كل يوم وتتكرر العملية دي.
لكن هل الاهرامات إقتصرت علي الملوك فقط علي مدار التاريخ المصري القديم الإجابة …. لا
ولكن بعد إنهيار فكرة الملكية اللي كانت في عصر بناة الأهرامات بدا الاشخاص العاديين يبنوا هريمات صغيرة ودي مصغر الاهرام وكانوا بيضعوها اعلي مقابرهم زي مقابر “دير المدينة” كدا علشان الشخص العادي يبقي زيه زي الملك مع فارق الإمكانيات طبعآ والنفوذ .
