كتبت ريهام سمير
(نور الهدى وليد) طالبة مجتهدة من أسرة بسيطة ،
نور كان حلم حياتها تدخل كلية الطب ، وشاءت الأقدار ان اخوها يتوفى قبل الإمتحانات بيوم في حادث سير ،
وفي عزاء أخوها أصيب والدها بكورونا واتوفى بعد ١٠ أيام من وفاة الأخ ،
ورغم الظروف العصيبة نور إجتهدت وحصلت على مجموع ٩٥% ، وطبعًا المجموع للأسف ميدخلهاش ولا طب ولا صيدلة ،
والموضوع وصل للإعلام، والمذيعة عملت مداخلة مع نور على قناة On Tv عشان تواسيها لفقدان أبوها وأخوها ، وتشجعها على أداءها المبهر في الإمتحانات رغم الظروف
وكان رد البنت ” الحمدلله على كل حال .. لو مش هبقى طبيبة فهعافر لحد ما أبقى دكتورة في الجامعة اللي هدخلها”
وبعد دقائق من إنهاء المكالمة….
تتجلى رحمة ربنا في إتصال من دكتور ( خالد الطوخي)
رئيس (جامعة مصر للعلوم والتكنولوچيا ) بالبرنامج ،
يصرّح فيه انه حجز لنور مقعد عنده في كلية الطب البشري دفعة ٢٠٢٠ مع تحمل الجامعة كافة النفقات من السنة الأولى وحتى التخرج.
