(الصعيد قلب مصر)
كلمات /صبري حسين
تامر امين
انت مين
والله ما طلعت امين
بتعيب
في اولاد الأصول
اللي طول عمرهم شايلين حمول
بتعيب
لسانك بيرمي احجار
عايز تولع في البلد النار
بتتكلم عن نسوان الصعيد الاطهار
هم الصعايدة مش من اهل مصر
كلامك شيلك العار
يا استاذ تامر
اسأل قبل ماتتكلم
اوزن الكلام بميزان حساس
اعرف اقدار الناس
الصعايدة هم الاساس
يا استاذ تامر
خليك في صنعتك ماهر
الست الصعيدية ملكة في الدار
لها كلمتها والكل ياخد مشورتها
الست الصعيدية
دايما حكيمة
عمرها ما تخرج العيبة
الست الصعيدية
ربت علماء ورجال دين
بنات الصعيد مكانهم نن العين
يا استاذ تامر
هم مش علموك في الكلية
ان الكلام في القضايا العامة
لازم تتكلم بطريقة علمية
قبل ما تقول الكلمة
لازم تكون مالك الاحصائية
هما مش علموك
تبعد عن اي كلام يثير الفتنة
يا استاذ تامر
الكل ببعمل لتجميع الصفوف
عايزين نرجع بلدنا ايد واحدة
كل القيادة السياسية
بتقول كلنا مصرين
من اسوان ل اسكندرية
فلاحين وصعايدة
كلنا مصريين
ليه حضرتك بتعمل تفرقة
ليه بتعيب في الصعايدة
يا استاذ تامر
ايه يفيد اعتذراك
بعد ماجرحت واهنت
الصعيد اهل الشهامة
اصل الرجولة
يا استاذ تامر
علشان عايز تركب الموجة
شخصنت القضية
كلامك ده في عنصرية
الامة المصرية
كتلة واحدة
عمرنا ما عرفنا التفرقة
بحري وقبلي مصريين
بينهم نسب وقرابة
بطل كلام كله خيابة
يا استاذ تامر امين
نفسي تكون امين
وتطلع علي المشاهدين
تتاسف لكل المصرين
صعايدة وفلاحين
عايزك تعرف يا استاذ تامر
ان كلامك الهب المشاعر
الكل منك غاضب
احذر نفاذ صبر الصعايدة
غضبهم نار قايدة
الصعايدة بيسامحوا ويغفروا كل حاجة
الا لما تيجي ناحية الشرف والكرامة
بناتنا ونسوانا خط احمر
اياك انت ولا غيرك منه يقرب
ده خط اللي يقرب منه يتكهرب
الست الصعيدية
تاج علي الرأس
اللي يقرب منها ندوس عليه بالمداس
اخر كلمة
الصعيد قلب مصر
في كل عصر
صبري حسين
