الرحايا .

بقلمي / كريمة الشقري .

الدنيا بتطحن فينا زي القمح في…الرحايا .
مش راضية ترحمنا وإحنا فيها…ضحايا .
وكأننا في سجنها وإحنا ليها…سبايا .
نمشي أد مانمشي ماندرى أمتى…النهاية.
عاشرنا فيها ناس مانعرف ليهم..نوايا.
الدنيا عملانا لعبة وإحنا فيها…عرايس.
بتحرك فينا هيه والطيب فيها…حايس.
أما المخادع فيها في أي حاجة…دايس.
وياعيني ع الغلبان ماحد بيه…حاسس.
شقينا فيها كتير والهم فينا…غارس.
الدنيا دي قلابة بس أنت أصبر…عليها .
لا هيه ضلمة خالص ولا حتى النور…ماليها.
سكتنا فيها طويلة مكتوب لنا…نمشيها.
وحرص منها وخاف وأوعى تمسك…فيها.
وأعمل حساب أخرتك وبالخير ياريت…تنهيها.