#الحلم_مش_معقول
بقلم الكاتبه نهله الديب
بعتب عليك يازمن
القرش فيك سيد
الناس بأرخص تمن
لو حرة تتقيد
والحر فيك مكسور
وجناحه مش بيطير
بينكروا وجوده
لمجرد أنه فقير
عايش حياته يدوب
بالستر أهي ماشية
بيرضى بالمكتوب
لو رزقه بالعافية
بقى لوح إزاز شفاف
أحواله مكشوفة
بكلمة بيكسروه
أسراره معروفة
لو يوم قلبه يدق
الكل .. يستهزء
يصرخ يقول الآااه
يقولولوا مليووون لاااء
مش من حقك تحب
مش من حقك تعيش
آخر حقوقك يدوب
نرميلك البقشيش
راسك تملي لتحت
ترضى بعيشة القحط
من دون ماتتكبر
لو دق قلبك يوم
قوله الطريق أغبر
هيرفضوك يا فقير
وساعتها تتغير
والشر سككه كتير
شياطينه فيه أكتر
هتكون له أسهل فريسة
وعجينة تتشكل
اشرب معانا وعيش
خليك ياواد راجل
بدراعك خد حقوقك
وأوعى تتساهل
شياطين ف ودانه زن
خلولوا عقله اتجن
ع الشر ناوي خلاص
ولا لحظة فيها يحن
دبح الغرام بجنون
قِدر هواها يهون
على قلبه بلا رحمة
تصرخ تقوله .. لييه
يقول .. مفيش فايدة
قدري أكون عاشق
قاتل وأنا المقتول
عشقك قتلني سنين
فاعل .. وأنا المفعول
غلطة .. وكانت حلم
والحلم مش معقوول
والحلم مش معقوول
……
#وعجبي
#نهلة_الديب
