( اتقوا الله)
كلمات/صبري حسين
علي ايه بتتنمر
فهمني علي ايه
علي عوامل الزمان
ولا علي علي الاحتشام
حرام والله حرام
هو انت صحيح إنسان
عوامل الزمان
سارية علي اي انسان
الصغير بكرة يكبر
مفيش حد بيفضل علي حاله
قالوها اهل زمان
دوام الحال من المحال
جمال الشكل بينطفي مع الايام
لكن جمال الروح هو الباقي
بتتنمر علي ايه
انت مش عارف بتتكلم علي مين
دي فنانة فنها امتع ملايين
ممكن تقولي حضرتك تطلع مين
انا والله مستغرب
نفسي الاقي عندك جواب
بتتنمر ليه
هي جاية في احتفالية فنية
دي جاية تقدم مواساة وتعزية
إنسانة محترمة المكان
اهلنا قالوا. زمان
حاسب علي مشاعر الناس
يا عم الفصيح ويا عمتي الفصيحة
والله تنمركم. ده فضيحة
انتم ناس تافهة
عقولكم فارغة
مش لاقين حاجة تعملوها
بتهبدوا. اي هبد
عيب عليكم بجد
من ورا الشاشات
بتالفوا حكايات
عايزين تركيوا الترند
علي حساب اي حد
ما تعرفوش تفرقوا بين الهزار والجد
عيب عليكم تفاهتكم زادات عن الحد
عايزين ايه
أنه الاحسن
الاحتشام والاحترام
وتقدير قيمة المكان
ولا لبس العريان
ويتحول الصوان
من واجب عزاء له احترام
الي مهرجان لعرض الازياء
عايزين الهدوء والسكينة
ولا عايزين الرغي والنميمة
يا فاح انت ويا فالحة
اللي بتتكلموا. عليها دي قبل ماتكون فنانة
لها مكانتها هي في الأساس إنسانة
تعاملت بطبيعتها
واضحة عليها مشاعرها
حزينة علي فراق احبابها
هي طلبت من حد يصورها
نفسي افهم
هو ايه المطلوب منها
عايزنها تضحك في الصورة
ازاي بس تبتسم وهي مقهورة
الحزن مسيطر عليها
للدرجة دي احنا وصلنا
مفيش اي حاجة
ليها عندنا حرمة
فعلا. قمة التفاهة
اخلاق ناس سافلة
مايعرفوش حاجة عن التربية
أفعالهم بتوضح أنهم أصحاب أمراض نفسية
يا جماعة أعطوا المشاهير مساحة
خليهم يتنفسوا الحرية
المشاهير لهم خصوصية
لهم حياتهم الاجتماعية
بيتعاموا مع بعضهم بانسانية
مش لازم في كل موقف كاميرات
مش بتفرقوا بين واجب عزاء ولا احتفالات
حرام عليكم
كفاية مطاردات
خليهم يعيشوا حياتهم بحرية
يا جماعة بلاش تناحة
بجد وصلنا لقمة البجاحة
المشاهير ناس زي باقي خلق الله
لهم حياتهم الاجتماعية
اللي عايزين لها خصوصية
يا عباد الله
اتقوا الله
صبري حسين
