إحساس الغربه
قصيدة
من شعر العاميه
من
خواطر
لشاعرنا
.الكبير.محمودفلبفل…..
نقلها لكم ناصف ناصف
إحساس صعب
لما تحس بين أحبابك يوم بالغربه
إحساس صعب لما تحس إنك مبتور
وأنت ف دايرة تلف تدور
إمتى هييجى عليك الدور
تحس أمان
تحس أيامك زى زمان
هنقول كان
ومفيش إمكان
عشت الصعب بكل أشكاله
قاعد تتعجب
ف أحواله
مش فاهم
كدا عايشه إزاى
عمَّال بتبص حواليك
وأنت الغربه بتاكل فيك
بس من جوا تقويك
إحساس صعب إنك تنساه
وتلف عليك الأيام
تهواه
تلقى الغربه
تعشش فيك
والخوف جواك يبقى ماليك
إنما ليك
مليون تبرير
إحساسك
فيك بالتغير
أمر عسير
والغربه هتعيشها مصير
مش بالكيف
ولا من طبعك التزييف
دنيا وبنعيشها تخاريف
إحساس صعب
إنك تنساه
إحساسك
بقى سمت حياه
