إحساس إتمنيته
كلمات/ صبري حسين
حلم ولا علم
مش قادر افرق
لإحساسي لازم اصدق
أيوة
حسيت أوي بيها
عيوني شافتها
ايدي لمست ايديها
سمعت صوتها
أيوة
بكل جوراحي حسيت بيها
افتح عيني
انادي عليها
يرد صدي صوتي
علي مين بتنادي
بنادي علي حبي
حلم عمري
اللي سهران معاه ليلاتي
من شوية كانت بتكلمني
سامعها بتقول انت واحشني
ايدي كانت حاضنة ايديها
كنا بنضحك سوا
لسه صوتها بيرن في أذني
شامم ريحة عطرها
كانت هنا من ثواني
بقرا لها كلماتي
رأسها علي صدري
بتسمع نبض قلبي
فاهمة معني كل نبضة
تسمع وابتسامتها
عمرها ما فارقتها
طول قعدتنا
ايدي لسه حاسة بايديها
مكان رأسها لسه معلم علي صدري
معقولة يكون حلم
ياليت من حلمي ما اصحي
حلم
ولا علم
مش قادر افرق
لاحساسي هفضل مصدق
احساس يا ما إتمنيته
يا ما حلمت اني أعيشه
حلم ولا علم
الله أعلم
إحساس جميل عشته
