” أوعاك ياقلبي “
بقلمي : محمود السعيد عبد الهادي: بورسعيد
أوعاك ياقلبي الحزن في مره يتملكك ويهدك
مهما كان ضرباته ممكن في لحظة تضيعك وتهزك
واوعاك يقرب منك كتير وفي لحظة يغدرك ويسمك
عدي أيامك وأبعد عن الصحبه اللي بتزيد علي طول حيرتك
هتقابل وشوشوش كتير ومنها ممكن يخدعك ويشدك
وشوشوش في صفات إبليس ماتشوفها لكن جمبك
العبره مش في الكتير المهم تمشي مع دربك
تكمل كده للنهاية وتحافظ علي هيبتك
بكرة حتما هيجي ويقع اللي جاب سيرتك
فارد لك أكيد جناحه طالب العفوا منك
