أهلا بالعيد
بقلم إيڤيلين موريس
أحلي ما في العيد العيديه ..
يستناها الصغير من الكبير هديه ..
تملا قلب الصغير سعاده حقيقيه ..
حيشتري منها حلاوة ويحوش باقيها للمره الجايه..
ويفرح قلب الكبير بكلمة شكر وحضن كله حب وحنيه ..
ترسم علي وشه فرحه تنسيه الخسائر م الخمسه والميه..
مقايضه والكل رابح فيها..
وفي العيد تحلي اللمه م الصبح للمغربيه…
مع القرايب والأهل والاصحاب نتجمع ما اللمه علينا غاليه…
مستنين ايه ..
يالا وزعوا العيديه..
وما تنسونيش بدعوة حلوة في صلاة الفجريه..
كل سنه وانتم طيبين يا أهلنا وحبايبنا
ربنا يجعل أعيادكم ناديه عليكم وبهيه
عيد فطر سعيد
