“” أنت فين ياحبيبي قولي “”
بقلم الشاعر محمود السعيد عبد الهادي
أنت فين ياحبيبي قولي
وأسمع مني أحلي الكلام
دا أنت روحي وأنت عمري
من يوم ماشوفتك مابقتش أنام
من شوقي ليك دايما شاغلني
وطيفك في قلبي بيضرب سهام
عايش أحلم بيك تملي
وفي حبي ليك فيه ألتزام
أنت فين ماتقولي وأحكي
ياللي في عنيك سحر الكلام
اوعي تنسي أنك واحشني
وتسبيني مرة للملام
واوعي كل الناس تلومني
وتضيع لحظات فيها أنسجام
أرجع بقي وبلاش تسيبني
وتداوي جرحي من الأيام
ياتري لسه جواك فاكرنى
ولامجرد نهاية الختام
أنت فين ياحبيبي قولي
لكل جرح له ألتأم
