سمر_إسماعيل
قربلى قول أنك عايزنى
قولى فضلا وليس أمراً
أنك مش هتقدر تستغنى عنى
طمن قلبى عليك ولو بكلمة
أسقينى فيك المودة والرحمة
طيب بخاطرى أنك
سامعنى و ع الندهة
خلى نار الشوق
اللى جوايا تهدى
قولى فجر لقانا هيأذن أمتى
حساك قريب ف تغريدى
وأقرب ليا من وريدى
قولى : جوابك حاضر ف بريدى
جايلك بقلبى مش بأيدى
جايلك أعمل ما تريدى
أسمعها منكِ
كروان ف ودنى
لما تقولى : يا سيدى
مش طالبة منك كتير
ولا عايزة أنك تطول
لو شوفتك جاى بكرة
أنا قلبى مش متحمل
الدنيا دى جنينة
أنت فيها أحلى وردة
الدنيا دى سما
أنت فيها أعلى نجمة
الدنيا دى أيام و ليالى
وأنت بكرة وأنت عمرى
قربلى ، طمنى ، حس بحبى
سكن خوفى ولهفة قلبى
محدش ف الدنيا دى
محتاجلك أكتر منى 
