أنا جاي مخصوصاً اقولك
بقلم د.الحسين أحمد الفار
النهاردة كنت هلبس في التريلا في حدثه موت
بس ربك كان سترها والشكر كان بعلو صوت
وانا جاي مخصوصاً اقولك :
أوعه تزعل قول يارب ،انت عمرك شفت دنيا دامت لحد
ما شفتنيش ايام زمان ، أيام ما كنت حريص بجد
ماكنتش اعرف لسه فيس أو واتس اب
ماكنش ليا غير كتابي بقرأه وبقول يارب
عندي حلم ،كبير كبير، ونفسي اعمل شئ بجد
كنت فرحان بالعلوم وبقول في نفسي ألف وعد
بكره هبقي ، بكره هوصل ، وقضيها مع نفسي عِنْد
كنت ارَوَح من دروسي وابتكر لي ميزان بقش
لحد يوم ما فتحت عيني وشفت بيهم كم بؤس
شجرة ،وملايين ورق، والحياة فينا تقص
عارفين؟! حسيت إني متقيد بوقت
والبشر دول ضد حلمي كل ما أبني يهدوا هد
كل ما جي اشوف طرق يسدهولي في شوي سد
بس ديما كنت صابر كنت قول علي طول يا رب
انا جي قولك اوعه تزعل وافتكر في ما بنا عهد
من حقك تمسك في حلمك عدي بيه لو ألف سد
اوع تستسلم بسرعه وتبتسم وتقول خلاص
خلي نفسك بندقية وأحلامك فيها الرصاص
ولو مكنتش قد حلمك ربنا كان أخده منك
بس الكريم أعطاك وعارف وبدعوتك علي طول يساعدك
