أنا الجندي
بقلمي /عطيه عفيفي
أنا صحبك وأخوك وإبنك
وأختي وأمي هيا أمك
انا جندي وشايل سلاحي
بالليل وبالنهار صاحي
من قبلي او من بحري
أو قاهري أو حتي سيناوي
أنا مصري حامي لأوطاني
من خاين معتدي أو إرهابي
من صغري إتربيت علي إني
مصر دي ليا ولأخويا وأمى
مسلم ومسيحي إحنا إخوات
في الجيش والشرطه متعاهدين
كلنا واحد كلنا شجعان
لا نخاف الموت ولا نخشاه
وحوش في الصحرا وفي المينا
من قبلي حتي ومن سينا
نحمي إخواتنا وأراضينا
ومعانا الرب هيحمينا
وإن مت شهيد أنا راض
ماهو فيكم اهلي وجيراني
صدقني يا وطني إنت الغالي
أنا جندي وعاشق لبلادي
