أنا الإنسان
بقلمي محمد عنانى
وفى الآخر أنا إنسان
وعندى قلب ليا كيان
معاهم عقل والوجدان
وملامحى عليها يبان
سنين العمرواللى كان
وعِشت فيه وبيه لزمان
وبأعشق وحدتى علشان
ما أحبش زور ولا بُهتان
ولا أمشى بسِكة التوَهَان
مع اللى بيعزفوا الألحان
وواخدين النفاق عنوان
وبين الفرحه والأحزان
بقيت سارح أنا وحيران
ساعات ألقا لنفسى مكان
مابين الخلق فى الأكوان
وأوقات ماالتقيش عنوان
ومتغرب فى أى مكان
لاجل اللقمه أكون تعبان
فى همومى أبات غرقان
وأوقات تانيه أكون فرحان
زى الطير وهات طيران
تااخدنى الدنيا بالأحضان
وفى الآخر بااكون إنسان
وباحلم إنى أعيش بأمان
ولو حتى ما أكون شبعان
ويفضل لى الوطن عنوان
