بقلم / شيرين أحمد
يا أمي حبك بيجري في دمي
وربي وصاني عليكي
وخلي الجنة في رضاكي
بدعوة حب في الفجرية
تحلو حياتي وتنور ليا
دي الأيام من غيرك ضلمة
دايماً بدعي تكوني معايا
ولا تبعدي عني يامرايا
بشوف نفسي فيها
وارتاح لما احكي ليها
وحبك دايماً يزيد في قلبي
ويارب تكوني دايما جانبي
وتبقي الضحكة دايما ليكي
ولا حزن يمس عنيكي
ويفضل قلبك نبض لقلبي
دا أنا ارتبط بيكي من قبل ما أشوفك حتي
كنتي أكتر حد بيطمني
وأنا طفلة مش عارفة يعني أي الأمان
كنتي نبع الحنان
كنتي دايما تكلميني وتنصحيني
واشوف الفرحة في عينيكي لما اقول حاضر يا حببتي
مهما كبرت أنا هفضل طفلة
أجري علي طول بس عليكي
واحكي ليكي كل حكياتي
ويارب يا أمي يبارك فيكي
