كلمات _ محمد عبد المنعم منعم
أبويا كان زى الوتد يمكن أشد
واقف معايا طول حياتى ف ضهرى سد
عمرى ما جاش ف بالى يبقى بينى وبينه بعد
ومش مصدق إنه مات هو الكلام ده صحيح بجد
حبه ببلاش من غير شروط
واى أزمة كات تفوت
لو ايدى كات ماسكة ايديه
بعده انا ضهرى بينحنى
ده موته فعلا هدنى
بعده الأمان انا مش لاقيه
ابويا كان مش اى حد
ا
لسة فاكر كل لحظة كات بينى وبينه
وقلبى بعد منه ع الفراق الله يعينه
تايه بدور تانى فيا عليا وف سنينه
وكل حاجة كات ما بنا تقولى فينه
