المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

ميدوفيك كيكة العسل الروسية طعمها من الخيال

ميدوفيك كيكة العسل الروسية طعمها من الخيال

كتبت : منى محمد
المقادير
١٠٠ جرام سكر بني
٣٠٠ جرام دقيق منخول
٢ بيضه
٥٠ جرام عسل نحل
٥ جرام بايكنج باودر
٧٠ جرام زبده
معلقة صغيرة فانيللا سائلة

لحشوة الكريمة
٢٠٠ جرام جبنه كريمي
٤٥٠ جرام كريمة خفق
٣ معلقة كبيرة سكر بودرة

الطريقة
للكريمة بنخفق الجبنه الكريمي بمضرب البيض لحد ما تبقي طريه جدا . في بوله تانيه بنخفق الكريمة والسكر البودره لحد ما تبقي متماسكه منزودش الخفق عشان ما تفصل.
بنضيف الجبنه الكريمي للكريمة ونقلبها مره واحده ونحطها بالتلاجه لحد ما نستخدمها بعدين.

بنسخن الفرن علي ١٨٠
اول حاجه بنخفق البيض والسكر البني والفانيللا بالمضرب اليدوي لحد ما يدوب السكر
في كاسارول بنسيح الزبده لحد ما تعمل رغاوي ونضيف العسل ونسيبها شويه حوالي دقيقه علي النار . بنرفعها ونسيبها تهدي شويه ونضيفها لخليط البيض والسكر.
بنخلط الدقيق والباكينج باودر ونضيف نصهم علي الخليط. ونقلب بمعلقة خشب، وبعدين نضيف نص الدقيق التاني.
بنقلب لحد ما تكون عجينه زي عجينة البسكوت.
بنرش دقيق علي الرخام ونحط العجينة ونلفها رول عشان نقسمها، بنقطعها ٨ قطع متساويه.
ونبدا نفرد كل قطعه علي ورقة الزبده مرشوشه دقيق بسيط ونرش دقيق بسيط فوقها عشان بتلزق. ونفردها بالنشابه دائرية ونقطعها بصينية مدورة قطر ١٦ أو ١٨ سم . ونخرمها بالشوكه ونحتفظ بالزوائد نخبزها معاها.
بندخل كل دائرتين عجين الفرن علي صينية طبعا لمدة ٨ دقايق مش بتاخد وقت في التسوية
بنطلعها لما تبقي ذهبي ونسيبها تبرد هتنشف طبعا لانها بتخرج من الفرن طريه شويه.
اول ما نخلص بنطحن الزوايد في الكبه بعد ما تكون بردت ونشفت.
بنجهز طبق عليه ورقة زبده ونحط اول قرص من بسكوت الكيك وفوقها كمية من حشوة الكريمه ونعملها طبقات زي الكيك . ونغلفها بالكريمه كويس ونساويها ونرش عليها من كل جانب البسكوت المطحون.
بنحطها في التلاجه متغطيه وناكلها تاني يوم تكون بقت طريه ورائعه.

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©