كلمات الشاعر الفنان رزق جادو
مصر..دمياط
( مش معقول )
كله بيصرخ كله يقول
اللي بيحصل مش معقول
الأسعار بتزيد على طول
طالعة بسرعة معدش نزول
اكل الفقراء بقى فيه قول
عدس ورز وخبز وفول
زادوا أضعاف بشكل ماهول
فراخ مع لحمة دقوا طبول
على كل فقير مسكين مغلول
التجار صبحت كالغول
كله بيهبش في اللي يطول
معدش ضمير معدش اصول
عاوزين خطة فيها حلول
مش عاوزين الوضع يطول
المسؤول يصبح مسؤل
بحال الناس يكون مشغول
ليه سيبينها عرض وطول
الحالة صعبة بشكل ماهول
الناس عايشة لكن في ذهول
كله خايف م المجهول
قولوا يارب يكون فيه حلول
ولا يشمت فينا عزول
شعبنا عمره صبور وحمول
الاسعار بتزيد على طول
اللي بيحصل مش معقول
كلمات الشاعر الفنان رزق جادو
مصر..دمياط
