مش بالضرب ………؟…….
بقلم : علاء عامر
مش بالضرب وإلاهانة
ولا بالعنف الزيادة.
ولا بأذلال كرامتها
تكسر نفسها بمهانة
وتذلها وتطلع عينيها
بكدا تكون راجالها
تنفذ اوامرك وتطيعك
بدون معارضة فكلامك.
سيف ماشى على رقبتها
بصوتك العالى قدامك
لو اعترضت وناقشتك
فابسط حاجة في حياتك
تلعن وتسب في أهلها.
تجرح وتبهدل وتحرق دمها
أشتريتها يوم جوازها.
بعقد مافيهوش مودة.
مش مبنى علي الود والمحبة
جارية من العبيد تخدم حضرتك
وبكلامك المعسول خدرتها..
وعملت لها من البحر طحينة.
واحلام كتير ليها ذوقتها
وحياة حلوة ليها رسمتها.
مش ها تفوق خالص منها
ونسيت أنها ها تبقالك.
بكرة دنيتك وأم لعيالك
وزوجة تخاف ربنا فيك
تراعى حالك وأحوالك
وتبقى جنتك ونارك.
وحجتك ومبررك وضربك.
لها عشان بتعصى أوامرك.
ودا شيئ عادى عندك..
الضرب موجود من زمان
ايام الرسول ومذكور في القرآن.
وللاسف الجهل دا بعينة
بنفهم دينا حسب الأهواء.
ذى ما إحنا عايزين
ونعيش حياتنا بكل غباء.
المرأة أرض خير ونماء
لو زرعت خير فيها
ها تجنى خيرها
ولو زرعت شر.
ها تحصد شرها.
الواحدة تكفيها كلمة طيبة
من جوزها وطبطبة عليها
على رد جمايلها..
وابتسامة حب حنينة..
عشان رقيقة..ودموعها قريبة
