المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

مشاكل زوجية

مشاكل زوجية

 

تقدمها لكم عبير مدين المنوفية

مشكلة أغلب الزوجات عدم الصراحة

عايزين أزواجهم يفهموا همة عايزين إيه من غير ما يصرحوا باحتياجاتهم
بيفترضوا إنهم “المفروض” يعرفوا لوحدهم لإن كل حاجة واضحة
لكن المفاجأة بقى إن الرجال مش شاطرين في الموضوع دة
ما بيعرفوش يخمنوا ويربطوا الخيوط ببعضها ويحللوا المواقف زي معظم الستات بيعرفوا يعملوا ده بكل سهولة
انتي كزوجة ما تفترضيش إن زوجك عارف بس مطنش
لإنه ف الغالب مش عارف ومش واخد باله ومش مطنش ولا حاجة
وبصفة عامة بلاش نبني حياتنا على افتراضات، خلينا ف الحقائق
عبري عن احتياجك بصراحة ووضوح بس اختاري الوقت المناسب ولو مش موجود حاولي تعملي الوقت ده
من غير تلميحات ومن غير ما تقولي لنفسك ماهو المفروض يعرف لوحده

نيجي بقى لمشكلة الأزواج

أغلب الأزواج عايزين الصفات الكاملة في الزوجة
الجمال، الأخلاق الحلوة، الشطارة ف شغل البيت، الثقافة، التفهم والتفاهم، الهدوء، تتكلم بحساب وافضل او تتكلم بالريموت كنترول علشان يظبطها على المود بتاعه ، تكون اجتماعية بس في نفس الوقت في حالها لأنه مش عايز مشاكل من كتر الاختلاط ، تكون علاقتها كويسة بأهله، التدبير وعدم التبذير و القناعة و يا سلام لو موظفة وتساعده في مصروف البيت والأجمل بقى لو كانت عمية اه يعني ما تشوفش عيوبه ..

على ارض الواقع طبعا مافيش إنسانة فيها كل المواصفات دي
فالحل انك ترضى باللي قسمه ربنا ليك من غير انتقاد ومن غير محاولات تغيير لان نتايجها حتكون سلبية حاول تحب الصفات الحلوة اللي فيها وتتخيل لو الصفات دي مش موجودة والصفات اللي انت عايزها هي اللي موجوده يا ترى هتكون راضي و مبسوط ؟

عايزين ناخد خطوة نصلح حياتنا قبل ما الوقت ما يعدي ونقول ياريت

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©