المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

كن لعمرك صديقا

كن لعمرك صديقا

 

بقلم/ وفاء حسن
الاسكندريه

العمر ليس رقم ،العمر احساس، وقلب يدق
‎العمر ليس سنوات نعيشها.العمر لحظات تحفرها المواقف داخلنا
‎الحقيقة ان لو حتى اصبح عمري ١٠٠ سنه ستظل التفاصيل تهمني والمفاجأت تفرح قلبي والاهتمام يسعدني ويجعل قلبي ينسى اي أشياء ومواقف متعبه ومزعجة
‎سأظل احب كوني اهم الأشياء في حياة من احبهم ويفرق معايا جدا ترتيبي في حياتهم
‎ستظل دموعي تنزل من اقل كلمه تضايقني و اي تفصيل صغير يأثر فيا ، اي كلمه حلوة تراضيني و اهتمام بسيط يفرحني
‎عمر ما حد حيقلل ثقتي في نفسي و سأظل اتعلم في كل يوم بيعدي عليا و كل تجربه بمر بيها
‎حفضل ادي كل ما عندي من حب و اهتمام لكل حد كان سند ليا في يوم
‎ستظل الناس الحلوه حوالي هم رقم واحد في حياتي
‎حتى لو اصبح عندي ١٠٠ سنه سأظل الست الي قلبها بيفرح و يزعل بأقل حاجة

‎فكرة اني فجأه كبرت و احس قد ايه العمر غفلة و بيعدي من غير ما نحس بيه او نعرف قيمته
‎ولازم كل لحظة من عمرنا نعرف قيمتها ، نستغلها صح و نعرف عايزيين نعيشها ازاي ،

‎و للأسف اوقات كتير الحياة بتكون صعبة و بتخلينا نعدي بلحظات بشعة تهز ثقتنا في نفسنا
‎بس في نفس الوقت بتفوقنا و بتعلمنا نكون اقوى و نعديها ازاي مهما كان الثمن و نستفيد منها كمان
شكرا لكل من اهتم بتفاصيل صغيره تهمنا وتؤثر فينا.
‎شكرا لكل حد شافنا في ضيق و اتكلم معانا او حاول يسعدنا بأي طريقة
‎تفاصيل صغيره جدا بتحصل بتفرق في كل حاجه في علاقات تستمر العمر كله،وعلاقات تنتهي قبل ماتبدأ.
‎لكن الأهم طبعا انك لما تكمل تكمل بنفس القدر من الحب والعطاء ولما تبعد تبعد بحب واحترام وتقدير ايضا!!!؟؟؟
‎عارف ليه؟؟
‎الزمن كفيل انه يرجع اي حاجه ف دائما اجعل هناك بابا موارب للعوده لان خطوات الحياه لا تسير علي نفس المنوال.
‎”عندما تحب لا تبالغ في محبتك،وعندما تكره لا تمتلئ حقدا وغلا.لعل حبيبك يوما يصبح عدوا، وعدوك تعود به الحياه من احن وأحب الاحبه”
‎ وكن لسنين عمرك صديقا تحبها فتعطيك احلي وأجمل الايام .

 

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©