المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

في عيدك ياأمي

في عيدك ياأمي

بقلم الشاعرة/كريمة 

صحيت من نومي لقيت الكون فرحان.
قالولي عيد الأم نوره هل وبان .
شغلتلك ياأمه من شوقي ليكي شال .
ملقتش غيرقلبي احط فيه الشال.
فضيته من همه وجهزته أنا ف الحال.
وربطته بشريطة من عمري إللي طال.
وقلت دي هدية للغالية إللي وحشاني.
وجريت عليكي ياامه بحلم تضميني.
مشتاقة أنا لحضنك يمكن تنام عيني.
وناديت بعلو الصوت ياغالية قابليني.
ردت حيطان البيت خلاص يانور عيني.
راحو حبايب الدار والحزن ماليني .
مفضلش منهم حد والبعد كاويني.
ونسيت أنا ياامه إنك روحتي وسبتيني.
أنا شوقي ليكي ياامه والله يهد جبال.
وبدل مااحضنك ياامه كان في حضني الشال.
يا إللي بدعت العيدكفاية علينا هم.
مكانش في حسابك إللي انحرم م الأم.

 

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©