“فرق توقيت”
بقلم الدكتورة / لبنى يونس…..
مع الوقت هاتعرف انك سكِت وقت ما كان المفروض تتكلم,
وضحكت وقت ما كان المفروض تاخد قرار
واتكلمت وعاتبت الناس الغلط,
و ما قدرتش تعرف ان العتاب ده اغلي حاجة ممكن تتقدم لـولاد الناس, الـ بيفهموا ويحسوا, العتاب ده للناس الـ ليهم ركن جوانا وعايشين على صورهم وريحتهم ماليه الجو فـ كل مكان,
مشكلتك انك وهبت وقتك وحياتك ونفسك للغير, كنت بتيجيى على نفسك عشان متقولش لاء.
– كنت بتبَدى مشاكلهم عشان ما تقولش لاء,,
بكرا تعرف ان الصُحاب مش بالكترة ولا بالعدد,في الشدة هما اتنين تلاتة عليهم تعتمد ده لو لاقيتهم
– لكن اوعى تزعل انك قدمت حاجة حلوة لناس طلعوا ما يستهلوش, عادى ده طبعك انك مش بتكون مستنى شكر ولا جزاء من حد، بالعكس ا فتخر, لان انت الـ زيك ,, مش بيخسر حد, انت الـ زيك بيتخسر, ويتبكى عليه ,وحقك هيرجع بطريقة حلوة اوى مع ناس ربنا هيزرعها فـ حياتك , مش هتكون حابه ولا عايزة حاجة، غير انهم يفضلوا جنبك, وتكون مبسوط وسعيد بس اطمئن
