(عارف)
كلمات /صبري حسين
عـارف
انك عارفة
بكل اللي جوايا
عارف
انك شايفة
مكانك بقلبي
صورتك جوة عيني
عارف
انك عارفة
مهما حاولت أدراي واخبي
عارف
انك فاهمة
كل حرف من حروفي
حاسة بقلقي وخوفي
شيفاني وانا اكتب واشطب
بفكر الف مرة قبل ما اكتب اي حرف
خايف تخوني مشاعري
وتجري علي السطور
ويبان كل المستور
اكتب وارجع اشطب
قلبي يصرخ
اكتب
عن نفسك عبر
من خوفك اتحرر
كفاية تردد
هي عارفة
لكل اللي جواك شايفة
لمشاعرك لامسة
طلع كل اللي جواك
عبر عن نفسك
ارحم قلبك
بوح بحبك
هي عارفة
هي فاهمة
لكل اللي جواك حاسة
منتظرة منك كلمة
هتسمعها وهي مبتسمة
اتقدم خد الخطوة
كلمة واحدة
هتفتح كل ابواب السعادة
من حياتك هتختفي الظلمة
كلمة واحدة
هتشرق شمس الفرحة
صبري حسين