كلمات الشاعر الفنان رزق جادو
مصر .. دمياط
( عاوز حقي )
عاوز حقى في الوفى
اللي اتسرق واختفى
عاوز حقي من نجم عالي
كان زمان يسهر يلالي
عاوز حقي من العذاب
اللي عشش فينا وغاب
عاوز حقي في العلام
وننسى الجهل اللي دام
عاوز حقي في اللي فات
وفي الأمل اللي مات
عاوز حقي في الأمان
اللي ضاع بين الجيران
عاوز حقي في السلام
بين الشعوب بإحترام
عاوز حقي في الوطن
من اللي سابوه للفتن
عاوز حقي في اللي ضاع
من اللي اشترى ومن اللي باع
عاوز حقي في الحياه
عن عمر ضاع وراح صباه
الشاعر الفنان رزق جادو
مصر .. دمياط