عارف أيوه عارف
بقلم : نشأت خضرجى
أد إيه
كنت قاسى
بيعد بقاسى
وواخدنى خوفى
حيران و حيرتى زادت
وبمسك دموعى
يمكن شموعى
تنورك ليل خضوعى
فى دنيا البعاد !!
فاكر أيوه فاكر
كنتى بيتى
و بر الأمان
بطمن بحضن الحنان
ولو بحور الدنيا هاجت
على شراعى و مركبى !!!
أسف لما خنتك
بصيت لصورة
غير حقيقتك
خدتنى لحظة غرور
زرعت جوايا سور
ذقت فيها طعم المرار
بنده على روح
داوت جروح
تروح لها
عنوانها هو قلبها !!
و مين يقول لها
و مين يقول لها !!
عايش بالأمل
ماشى و يا الندم
و فى كل لحظة ألم
بنده جواكى صوتى
ترجعيلى روحى
تضمينى ف حياتى
و قبل ما أنسى
أوعى تسبينى
أسف حببتى
سامحينى .. سامحينى
لأنك حقيقى نصيبى
لانك حقيقى حياتى
لانك حقيقى حياتى