( صفحتك )
كلمات / صبرى حسين
ليه مش عايزة تصدقى؟
ان صفحتك بقت دنيتى
بتعب اوى
لما بشوفك فاتحة قصادى
ومع غيرى بتتكلمى
متفاعلة بتنشرى وتعلقى
ولا مرة فكرتى لى تنظرى
بتعب اوى
يا غالية عليا
لو سمحتى لكلامى انظرى
كلمة منك بتفرحنى بتسعدنى
بتردى الروح فى
بتخلينى احس انى عايش
ياللى جعلتى صفحتك هى عالمى
هى دنيتى
عايزك تعرفى
تتأكدى
انى اجرى اليكى فى بداية يومى
واخر شئ قبل نومى
هى صفحتك
تصدقى
بقت وجهتى
صفحتك
ادخل فيها
اقرا كل حروفك
اتغنى بكلامك
اعيش مع بوستاتك
اتفاعل مع صورك
اتخيلك
اكلمك
ياه لو تعرفى
آه لو تشعرى
صفحتك بقت كعبتى
احج اليها فى كل اوقاتى
صباحى ومسائى
فى صحوى ومنامى
ارجوكى
لكلامى افهمى
اقرئي مابين السطور
انتى فى ليلى نور
انا فى حبك مسحور
فى فلك ادور
بالله احلفك
اسمعينى
افهمينى
انقذينى
قربى منى
ليه بتبعدى
ارجوكى اعرفى
ان قربك مطلبى
عشقك مذهبى
اشعرى بى
بصى عليا
ادينى من وقتك شوية
ردى على كلامى
والله بتعب اوى
بحزن اوى
لما بشوفك فاتحة
مع الكل متفاعلة
ولكلامى مهملة
لوجودى متجاهلة
بتعب اوى
بحزن اوى
آه لو تعرفى
ولحزنى تلمسى
ارجوكى اعرفى
ان صفحتك هى دنيتى
فيها بلاقى فرحتى
صبرى حسين
