حَبيت اواجهك فـ الورق
بقلم : فاطمه يسري
حَبيت اواجهك فـ الورق
ويحكي القلم عنك،
کُنت انت اكتر حد بديلو الأمان،
كنت بحس بغدر دايما..من الكل مكنش منك..
اتوقعت الكل إلا أني اقول على حُبك كان!
خِسرت کتير لـ أجلك والمقابل کان خيانه..
حسيت بـ إني منك وكإنك شايل أمانه،
وفجاه اول مره اشوفك شخص مش هوا،
کنت حاسه بـ حاجه بتقتل فيا من جوا
واول مره قلبي يحس بـ إهانه،
لو سَمعت رِسالتي متردش ملوش داعي!
مش بكتبلك من فراغ بكتب بـ کامل اوجاعي،
أَمنت ومديتلك ايديا خُنت وكسرت دراعي،
لا الايام بتحلى ولا الوقت بينسي،،
الدموع بتجرح والجرح بيقسي،
وبقول کفايه جِدال وعتاب انا ونفسي،
حاولت ألاقي حد يبقى؟
لاكني مش لاقيه!
ومين فـ الدنيا باقي..
دي الدنيا مش باقيه،
کل الخَلق واحد..
الطبع بيلف..
والحياه ساقيه،،
وبنحاول…
صحيح محدش کامل!
لكن بنتجامل ونتكامل..
وبنحاول،،،
رغم إننا احسن من ناس کتير خاينه،
ظاهرين بالطيبه دايما بس العيون باينه..
کُنا رخاص لدرجه إن القلوب هاينه؟
کل البشر خداعه..
فـ بلاها بني ادمين..
كل القلوب متباعه،
مين بقى على مين؟
وليه نبقى؟
دي العزوه كدابه.
واخرنا متر فـ متر والدنيا متسابه..
لسه الجروح فيا..
لسه الماضي منستهوش…
لسه فاكره كل دمعه!
وببكي من کُتر بُكايا.. وابان شخصيه قويه واكسر نفسي جوايا.. وكِتماني يزيد وجعي لكن ضعفي..مبينهوش!!
بس انا…
انا خفيت،، والجرح يعني اهو بيلم
من كُتر بُكايا انا جَفيت
وکإني فـ مشهد جوا فيلم..
جعلت جوا قلبي بيت..
اداري فيه كل جروحي لحد ما اقول اخيرا جيت؟؟
يا موت عشان تاخد روحي..
وساعتها بلاش تقسو،،
بلاش تنسو،،
سيبو ليا ذكري بينكو..
لو حتى صوره جوا بيتكو..
بس المهم..
بلاش تنسوا !!